تعلم تطيب الاورطة على أصولها وذوق البنة

اتحضر الشحور : السكر و الماء و عصير القارص يغليو دوب يعقاد شوية اطفى عليه و اتزيدو مغرفة ماء الورد وتاخذ الطبق الى ماش اتحضر فيه اتنجم تعمل طبق مربع او مدور كيما اتحب و تدهن الطبق بالزبدة و تفرش طبقة ملسوقة و تدهن بالزبدة تعمل ثلاثة طبقات كل مرة تدهن بالزبدة و بعد تاخذ الفاكية المرحية اللوز والفستق و البوفريوة من كل حاجة 50 غرام و اتزيدهم اربعة مغارف شحور كبار و اتخلط و اتصب الخليط فى الطبق و تفرشو بالباهى و بعد اترش عليه ماء الورد و اتعاود تعمل طبقة ملسوقة و تدهن بالزبدة لين اتكمل الملسوقة و ادخلها للفور 180درجة دوب تحمار اتخرجها و اتصب عليها الشحور و اطفى الفور و ادخلها ساعة فى الفور ترتاح و بعد اتزينها باللوز و الفستق و البندق و اتقصها